Euskaraldiari hasiera ezin hobea Bermeon Kike Amonarrizen hitzaldian. Nestor Basterretxea aretoa jendez bete zen eta indarberrituta irten ginen Kikeren azalpenak entzunda. Hurrengo hitzorduak: urtarrilaren 24an eta otsailaren 7an. Parte hartu gura duenak izena eman Euskera Sailean.

Gehiago irakurri

Euskaraldiari hasiera emateko, Bermeo euskalduna gura duzu? Egingo dugu? hitzaldia eskainiko du Kike Amonarrizek bihar, 19:00etan, Nestor Basterretxea aretoan.

Gehiago irakurri

2016ko jaiobarrien jaian Oizmendi telebistak grabatutako bideoa hemen:

2016ko jaiobarrien liburuaren aurkezpen jaia

Gehiago irakurri

Urteko garai honetan seme-alabei edo ingurukoei euskarazko liburuak, musika edota jokoak erosi eta oparitzeko aukera paregabea izaten dela kontuan hartuz, Euskarazko Produktuen Katalogoaren 1.800 ale banatuko dira Bermeon. Ikastetxeen bitartez, familia bakoitzari helduko zaio katalogoa eta,  horrez gain, udal egoitzetan eta honako dendetan egongo da eskuragai: Luma, Aue, Muruaga, Ku ku enea eta Udane.

Beste urte batez, Euskal Herriko 140 bat udal eta mankomunitatetako Euskara Zerbitzuek Euskarazko Produktuen Katalogoaren edizio berria osatu dute, aurtengoa 19. edizioa, hain zuzen ere.

Durangoko azokari begira argitaletxeek azkeneko orduan ateratzen dituzten berrikuntzak, epeengatik paperezko edizioan jaso ezin direnak, KATALOGOA.EUS webgunean aurkituko ditu erabiltzaileak. Izan ere, KATALOGOA.EUS urte osoan berritzen doan webgunea da, eta dagoeneko ia 6.000 euskarazko produktu biltzen ditu 0-16 urteko haur eta gazteentzat. 

Gehiago irakurri

Euskal Herri osoan abiatuko den Euskaraldia Bermeon ere martxan jarriko da, eta motorrak berotzen hasteko lehenengo ekitaldia Kike Amonarrizen  ‘Bermeo euskalduna gura duzu? Egingo dugu?’ hitzaldia izango da abenduaren 14an, eguenean, Nestor Basterretxea aretoan arratsaldeko 19:00etan.

Euskaraz jakin arren, gaztelaniaz egiteko joera duten pertsonak aktibatu eta hizkuntza-ohitura aldatzeko saiakera pertsonala eta kolektiboa da Euskaraldia. Herritarrek eta erakundeek batera landuko dute eta, eguneroko bizitzan, inertziak aldatzea bilatzen da.

Gehiago irakurri

Euskararen Nazioarteko Eguna da abenduaren 3an eta hori ospatzeko egitarau zabala izango dugu Bermeon: ‘Miñen Puntiegaz’ abestiaren koreografia, hitzaldiak, arraunaren txokoa, umeentzako jokoak,  mendi ibilaldia, ikastetxeetako ekimenak…. Kalinpanek ere hainbat ekimenetan parte hartuko du Euskaren Eguna ospatzeko.

Horien guztien berri eman dute gaur prentsaurrekoan Juan Karlos Agirrek, Bermeoko Euskara zinegotziak; eta Maite Alvarezek, Euskara teknikariak. Eurekin batera egon dira Garbiñe Astoreka, Euskeraz Bizi Nahi dut (EBND) taldeko ordezkaria; José Luis Bilbao, Euskaraz Berbetan taldeko kidea; Marimar Hernández, Berbalaguneko dinamizatzailea; eta Sabino Bilbao, Sollube 707 elkarteko ordezkaria, eta David Avila, besteak beste.

Gehiago irakurri

Euskararen Plan Estrategikoa diseinatzeko osotu den herritarren taldeak bigarren bilera egin du. Aurreko bileran identifikatutako erronkak 6 arlotan multzokatu dituzte eta multzo bakoitzeko proiektu bana landu dituzte.

Eskerrik asko zuen denbora eta irudimena martxan jarri dituzuen herritarrei. Euskara aktibatzeko gogoa piztu da Bermeon.

Gehiago irakurri

Berbalagunek aurtengo ikasturteko lehenengo albistegia, udazkeneko albistegia, hain zuzen ere, kaleratu du, eta, bertan, besteak beste, martxan duen lehiaketari buruzko galdetegia jasotzen du.

Berbalagunen albistegian azaro eta abenduko ekimenei buruzko informazioa jasotzen da era grafiko eta ikusgarri batean. Hurrengo hilabeteetan egingo dituzten ekimenen ezaugarriak eta datak jakinarazten ditu eta egindakoen argazkiak ere ikusteko aukera eskaintzen du.

Ildo horretan, honako ekimenen berri ematen da: Gurasolagun-en ‘Ispiluari begira’ ekimena (azaroak 18), ‘Annapurnara egindako bidaiaren diaporama’ (azaroak 23) , Euskararen Eguna (abenduak 3) eta urte amaierako topaketa (abenduak 15). Horrez gain, Berbalagunen asteroko taldeak martxan daudela nabarmentzen du eta udaberriko lehiaketaren irabazlearen berri ematen du.

Bestalde, albistegi honen bidez, lehiaketan parte hartzeko aukera dugu; izan ere, Berbalagunen lehiaketaren galdetegia jasotzen du. Lehiaketan parte hartzeko azken eguna, azaroaren 30a da.

Erantzunak hainbat bide erabiliz bidali daitezke, Berbalaguneko blogaren eta facebookaren bidez, Euskera Sailaren web gunearen bidez edo leku hauetan utzi daitezke: Euskal Gunea, Kultura Etxea, Liburutegia, Hizkuntza Eskola, eta hainbat tabernatan.

Saria Errigorako saskia izango da. Errigora ekimenaren bitartez, Nafarroa hegoaldeko lurreko produktuak zabaltzen dira eta euskararentzako laguntza bideratzen da, eta, lehiaketan parte hartuz, Bermeoko Berbalagunek helburu horregaz bat egiten dute. Irabazleak abenduaren 3an, Euskararen Egunean, jasoko du saria.

Bermeoko Udalak lehiaketa honetan parte hartzera animatu ditu herritarrak.  

Gehiago irakurri

Bermeoko Udalak eskatuta, UEMAk egindako ‘Bermeo eta Ondarroa, hizkuntzaren garapenean eragiten duten faktoreak’ ikerketaren ondorio nagusiak aurkeztu dituzte gaur Bermeon. Horretarako, prentsaurrekoa eskaini dute Eneritz Albizu eta Goizane Arana, UEMAko teknikariek eta ikerketaren egileek; Josu Labakak, UEMAko lehendakariak; Idurre Bidegurenek, Bermeoko alkateak eta Maite Alvarezek Udaleko Euskara teknikariak.

Prentsaurrekoan azaldu dutenez, udalerri euskaldunetan euskararen gaitasunak eta erabilera sozialak azken urteotan izan duten bilakaera aztertzea beharrezkoa da, batez ere, bilakaera horretan beheranzko joera duten herrietan. “Kale neurketek eta azterlan soziolinguistikoek erakusten digute joera hori duten udalerrietako bat Bermeo dela”, adierazi dute.

Hori dela eta, Bidegurenek azaldu duenez,  Bermeoko Udalak hala eskatuta, horren atzean egon daitezkeen arrazoiak edo faktoreak aztertu ditu UEMAk ikerketa honetan. “Bere helburua honakoa baita: Bermeoko euskararen erabileran eragiten duten faktoreak identifikatu eta goranzko joera eragiteko hizkuntza plangintzan zehaztu beharreko lehentasuna proposatzea”, nabarmendu du. 

Gehiago irakurri

Bermeoko Udal Liburutegiak eta Euskera Sailak  antolatzen duten irakurleen txokoak urriaren 19tik aurrera etapa berri bati ekingo dio, eta Arrate Egaña idazlea izango da irakurle txokoaren dinamizatzailea.

Juan Karlos Agirrek, Bermeoko Euskara zinegotziak; Maite Alvarezek, Bermeoko Udaleko Euskara teknikariak; eta Arrate Egañak berak, aurkeztu dute gaur irakurle txokoaren etapa berria Bermeoko udal liburutegian egindako prentsaurrekoan.

Agirrek gogoratu duenez, irakurleen txokoaren bitartez, hilean behin, interesa duten pertsonak biltzen dira eta euskarazko liburu bati buruz hitz egiten dute. Horretarako, dinamizatzaile baten laguntza izaten du taldeak eta partaide bakoitzak liburu horri buruzko iritzia azaltzen du. “Oraingoan, Arrate Egaña idazlea izango dugu dinamizatzaile lanetan”, azpimarratu du.

‘Irakurleen txokoa’ etapa berri honetan, taldea, hilero, hileko hirugarren eguenean batuko da 18:30etik 20:00etara; horrela, urriaren 19an, eguenean, hasiko da. 

Gehiago irakurri